Kvartalsrapport2. kvartal 2026

Pr. 30.06.2026 har banken 7 122,9 mill. kroner i bruttoutlån som er ein auke på 473,3 mill. kroner siste 12 månader og som svarar til ein vekst på 7,12 % i eigen bank. Lån til personmarknaden utgjer 6 166,7 mill. kroner, og lån til bedriftsmarknaden utgjer 956,2 mill. kroner.

I tillegg yter banken 914,2 mill. kroner i lån til banken sine personkundar via Eika Boligkreditt AS, det er ein nedgang på 18,9 mill. kroner, tilsvarande ein nedgang på 2,03 % i høve til same tid i fjor.

Total utlånsvekst inklusive Eika Boligkreditt AS ligg på 5,99 % sett mot fjoråret.

Pr. 30.06.2026 har banken 6 599,1 mill. kroner i innskot, som er ein auke på 217,5 mill. kroner siste 12 månader og som svarar til ein vekst på 3,41 %. Innskot frå personmarknaden utgjer 4 741,9 mill. kroner, og innskot frå bedriftsmarknaden utgjer 1 857,1 mill. kroner. Innskotsdekninga i banken pr. 30.06.2026 er 92,65 %. Pr. 30.06.2026 har banken ein forvaltningskapital på 8 707,4 mill. kroner, som er ein auke på 264,5 mill. kroner siste 12 månader og som svarar til ein vekst på 3,13 %.

Pr. 30.06.2026 var banken si kapitaldekning 29,59 % mot 28,60 % i same periode i 2025. Sogn Sparebank har pr i dag berre rein kjernekapital. Banken si kapitaldekning ligg innanfor alle regulatoriske krav, og resultatet hittil i år er ikkje med i kapitaldekninga.

Etter forholdsmessig konsolidering av Eika Gruppen AS og Eika Boligkreditt AS er rein kjernekapitaldekning på 27,26 %, mot fjoråret på 26,43 %.

Banken har fram til 4. kvartal 2024 praktisert å ta eigarandeler i selskap som forholdsmessig konsoliderast inn til frådrag i rein kjernekapital i morbanken. Dette prinsippet har banken endra, i likskap med resten av bankane i Eika alliansen, jf. note 12.