Alternative resultatmål 2025

Banken gir opp resultat før skatt og resultat før andre inntekter og kostnader i % av gjennomsnittleg forvaltningskapital. Gjennomsnittleg forvaltningskapital er berekna som eit gjennomsnitt av utgåande månadstal siste 13 månader. Måltalet er annualisert i delårsrapporteringa.

Måltalet angir avkastninga på eigenkapitalen til konsernet og reflekterer konsernet si evne til å omsetja kapitalen til lønsam verksemd. For banken er dette eit viktig måltal då det er klar samanheng mellom eigenkapitalavkastning, vekstkapasitet og soliditet. Måltalet er annualisert i delårsrapporteringa.

Fondsobligasjonar som er evigvarande, og der banken har einsidig rett til å ikkje betale renter til investorane under gitte vilkår, tilfredsstiller ikkje definisjonen til finansielle forpliktingar i samsvar til IAS 32. Slike obligasjonar klassifiserast som eigenkapital i balansen (hybridkapital) og renta behandlast som utbytte og vert presentert som reduksjon i sparebanken sitt fond og utjamningsfond.

Banken viser både eigenkapitalavkastning av resultat etter skatt og totalresultat etter skatt.

Måltalet reflekterer banken si evne til å omsetje driftsaktivitetane sine (målt gjennom driftskostnader før tap på utlån) til generering av inntekt (målt ved totale netto driftsinntekter). For banken er dette eit viktig måltal då det viser kor kostnadseffektiv banken er.

Banken viser måltalet inklusive og eksklusive verdipapir.

Måltalet reflekterer andelen av andre driftsinntekter av totale inntekter unntatt verdipapir. Den viser kor mykje av inntekta som ikkje genererast av kjernedrifta.

Talet målar banken sin gjennomsnittleg margin på innskot, basert på gjennomsnittleg 3 månaders NIBOR for året minus gjennomsnittleg rente på innskot i eitt år. Gjennomsnittleg rente på innskot er berekna ved å dela årets rentekostnader for innskot frå kundar med gjennomsnittleg innskotsvolum frå kundar i same tidsrom.

Talet målar banken sin gjennomsnittleg margin på utlån, basert på gjennomsnittleg rente på utlån i eitt år minus gjennomsnittleg 3 månaders NIBOR for året. Gjennomsnittleg rente på utlån er berekna ved å dela årets renteinntekter frå utlån til kundar med gjennomsnittleg utlånsvolum til kundar i same tidsrom.

Måltalet reflekterer andelen netto rente- og kredittprovisjonar utgjer av gjennomsnittleg forvaltningskapital, og viser kor effektiv banken utnyttar sine ressursar for å generere inntekter.

Måltalet reflekterer totale uteståande lån med frådrag for endeleg tapsførte lån i balansen til banken. Måltalet er viktig, då det reflekterer aktiviteten i banken si kjerneverksemd, og gir eit bilete av den uteståande kreditteksponeringa mot banken sine kundar før det blir teke omsyn til avsetning for forventa tap på utlån.

Måltalet reflekterer utlånsveksten i banken siste 12 månader. For banken er dette eit viktig måltal då det reflekterer aktiviteten og veksten i banken si utlånsverksemd innanfor person- og bedriftsmarknaden. Banken ser veksten i utlånsporteføljen opp mot den vekstkapasiteten banken har, jamfør beskriving av eigenkapitalrentabiliteten.

Banken viser måltalet inklusive og eksklusive EBK lån.

Måltalet viser andelen av banken sine brutto utlån, jamfør definisjon ovanfor, som blir finansiert av innskot frå kundar. For banken er dette eit viktig måltal fordi innskot frå kundar normalt gir banken ein lågare fundingkostnad samanlikna med marknadsfinansiering i form av obligasjonar. Måltalet viser banken si avhengigheit av marknadsfinansiering.

Måltalet viser totalt uteståande lån som banken har formidla til Eika Boligkreditt AS (EBK). Måltalet er viktig då det reflekterer det vedvarande inntektspotensiale frå forvaltning av lån formidla til EBK.

Det vert vist til beskriving av «Lån i Eika Boligkreditt AS» ovanfor. For banken er dette eit viktig måltal, då det reflekterer den samla aktiviteten og veksten i banken si utlånsverksemd.

Måltalet viser andelen av banken sine totale eigendelar som er finansiert ved total bokført eigenkapital. Måltalet er viktig fordi det gir eit bilete av banken sin soliditet uavhengig av korleis banken sine eigendelar er risikovekta etter kapitaldekningsreglane. Målet viser banken sin buffer mot verdifall på banken sine eigendelar.

Måltalet viser kor mykje innskota frå kundar har auka i eitt kalenderår. Det indikerer kor godt banken klarer å tiltrekke seg nye innskot og behalde eksisterande innskot.

Måltalet viser kor mykje bruttoutlån til kundar har auka i et kalenderår. Det indikerer kor godt banken klarer å utvida sin utlånsportefølje.

Måltalet viser kor stor del av brutto utlån det er føreteke nedskrivingar for forventa tap på. Måltalet er viktig fordi det gir informasjon om banken si kreditteksponering og risikonivået i utlånsporteføljen.

Måltalet viser banken sitt resultatførte tap på utlån i % av gjennomsnittleg bruttoutlån. Måltalet er viktig fordi det gir eit relevant bilete av utviklinga i tap på utlån over tid. Måltalet er annualisert i delårsrapporteringa.

Måltalet viser styret sitt framlegg til utbytte pr. eigenkapitalbevis. Måltalet er viktig, då det kan nyttast til å berekne eigenkapitalbeviseigarane si direkteavkastning.

Måltalet gir informasjon om verdien av eigenkapital pr. eigenkapitalbevis målt på balansedagen. Eigenkapitalstorleiken som blir nytta er korrigert for uteståande beløp på fondsobligasjon. Måltalet er viktig fordi det gir eigenkapitalbeviseigarane i banken ein målestokk for å vurdere eigenkapitalbevisa si prising i aksjemarknaden på balansedagen. Tala er inklusiv verdipapir over utvida resultat.

Måltalet gir informasjon om kursen (siste) pr. eigenkapitalbevis, og er henta frå Oslo Børs på siste handledag i rekneskapsåret. Måltalet er viktig fordi det viser korleis banken er prisa i eigenkapitalmarknaden på balansedagen.

Måltalet gir informasjon om kor stor andel av banken sin eigenkapital som eigast av eigenkapitalbeviseigarar. Måltalet brukast for å berekne eigenkapitalbeviseigarars andel av for eksempel resultat og bokført eigenkapital per eigenkapitalbevis.

Ved berekning av måltal i forhold til eigarandelsbrøken, brukast alltid fjorårets fordeling.